ದೇಶದಲ್ಲಿರುವ ವಿದ್ಯಾರ್ಥಿಗಳೆಲ್ಲರಿಗೂ ಸಮಾನ ಮಟ್ಟದ ಶಿಕ್ಷಣ ದೊರೆಯುತ್ತಿಲ್ಲ. ವಿಶೇಷವಾಗಿ ಎಂಟ್ರನ್ಸ್ ಎಗ್ಜಾಮ್‌ಗಳು, ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ವ್ಯತ್ಯಾಸ ಸ್ಪಷ್ಟವಾಗಿ ಕಾಣಿಸುತ್ತದೆ. ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಕೆಲವರು ಪೂರ್ಣ ಪ್ರಮಾಣದಲ್ಲಿ ತಯಾರಾಗುತ್ತಿದ್ದರೆ, ಇನ್ನೂ ಕೆಲವರಿಗೆ ಕನಿಷ್ಠ ಮಾಹಿತಿಯೂ ಲಭ್ಯವಾಗುತ್ತಿಲ್ಲ. ಯುಪಿಎಸ್‌ಸಿ (UPSSC), ಗ್ರೂಪ್ ಪರೀಕ್ಷೆಗಳಿಗೆ ಸಂಬಂಧಿಸಿದಂತೆ ಸರ್ಕಾರದ ಸಹಕಾರದೊಂದಿಗೆ ಕೆಲ ಸಂಸ್ಥೆಗಳು ಉಚಿತವಾಗಿ ಕೋಚಿಂಗ್ ನೀಡುತ್ತಿವೆ. ಆದರೆ ಉನ್ನತ ಶಿಕ್ಷಣ ಸಂಸ್ಥೆಗಳಲ್ಲಿ ಪ್ರವೇಶಕ್ಕಾಗಿ ಅಂತಹ ವ್ಯವಸ್ಥೆಗಳಿಲ್ಲ. ಇವೆಲ್ಲವನ್ನೂ ಗಮನದಲ್ಲಿಟ್ಟುಕೊಂಡು ಕೇಂದ್ರ ಸರ್ಕಾರ ‘ಸಾತೀ’ (SATHEE) ಎಂಬ ಹೆಸರಿನಲ್ಲಿ ಒಂದು ಪೋರ್ಟಲ್‌ನ್ನು ಲಭ್ಯವಾಗಿಸಿದೆ.

Self Assessment Test and Help for Entrance Exam ಎಂಬುದು ಇದರ ಪೂರ್ಣ ಹೆಸರು. ಮುಖ್ಯವಾಗಿ ಜೆಇಇ (JEE), ನೀಟ್‌ (NEET) ಅಭ್ಯರ್ಥಿಗಳಿಗಾಗಿ ಈ ಹೊಸತಾದ ಈ-ಲರ್ನಿಂಗ್ ಪೋರ್ಟಲ್‌ನ್ನು ತರಲಾಗಿದ್ದರೂ, ಉಳಿದವರಿಗೂ ಇದು ಉಪಯುಕ್ತವಾಗಲಿದೆ ಎಂದು ಅಧಿಕಾರಿಗಳು ತಿಳಿಸುತ್ತಿದ್ದಾರೆ.

ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ ಮಾರ್ಚ್ 6ರಂದು ಸಾತೀ ಪ್ಲಾಟ್‌ಫಾರ್ಮ್‌ನ್ನು ಉದ್ಘಾಟಿಸಿದರು. ಈ ಈ-ಲರ್ನಿಂಗ್ ಪೋರ್ಟಲ್.. ಎಲ್ಲ ರೀತಿಯ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ಅಭ್ಯರ್ಥಿಗಳು ತಮ್ಮಂತೆಯೇ ತಯಾರಾಗಲು ಸಹಾಯಕವಾಗಲಿದೆ ಎಂದು ಯುನಿವರ್ಸಿಟಿ ಗ್ರಾಂಟ್ಸ್ ಕಮಿಷನ್ ಅಧ್ಯಕ್ಷ ಎಂ.ಜಗದೀಶ್ ಕುಮಾರ್ ಹೇಳುತ್ತಿದ್ದಾರೆ. JEE, NEET ಪರೀಕ್ಷೆಗಳಿಗಾಗಿ ಮುಖ್ಯವಾಗಿ ಇದನ್ನು ರೂಪಿಸಲಾಗಿದೆ. ಅಧಿಕೃತ ವೆಬ್‌ಸೈಟ್‌ನಲ್ಲಿ ಗೂಗಲ್ ಫಾರಂ ಮೂಲಕ ಅಭ್ಯರ್ಥಿಗಳು ತಮಗೆ ಬೇಕಾದ ವಿಷಯವನ್ನು ಆಯ್ಕೆ ಮಾಡಿಕೊಳ್ಳುವ ಅವಕಾಶವಿದೆ.

ಇದನ್ನೂ ಓದಿ : ಮುಂದುವರೆಯುತ್ತಿರುವ ಯುಜಿಸಿ ನೆಟ್ ಪರೀಕ್ಷೆಗಳು.. ಫೈನಲ್ ಫೇಸ್ ಪರೀಕ್ಷೆಗಳ ದಿನಾಂಕಗಳು ನಿಗದಿ..

• ಯುಜಿಸಿ ಮೇಲ್ವಿಚಾರಣೆಯಲ್ಲಿ..

ಯುನಿವರ್ಸಿಟಿ ಗ್ರಾಂಟ್ಸ್ ಕಮಿಷನ್‌ (UGC), ಮಿನಿಸ್ಟ್ರಿ ಆಫ್ ಎಜುಕೇಷನ್ (MoE), ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (IIT) ಕಾನ್ಪುರ ಮೇಲ್ವಿಚಾರಣೆಯಲ್ಲಿ ಈ ಪ್ಲಾಟ್‌ಫಾರ್ಮ್‌ನ್ನು ತಯಾರಿಸಲಾಗಿದೆ. ಐಐಟಿ, ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಸೈನ್ಸ್ ಮುಂತಾದ ಹೆಸರಾಂತ ಶಿಕ್ಷಣ ಸಂಸ್ಥೆಗಳ ಪ್ರೊಫೆಸರ್‌ಗಳು ತಯಾರಿಸಿದ ವೀಡಿಯೊಗಳು ಇಲ್ಲಿ ಲಭ್ಯವಿರುತ್ತವೆ. ಇದರ ನಿರ್ವಹಣಾ ವೆಚ್ಚವನ್ನು ಸರ್ಕಾರವೇ ಭರಿಸುತ್ತಿದ್ದು, ಅಭ್ಯರ್ಥಿಗಳು ಉಚಿತವಾಗಿ ಇವನ್ನು ಬಳಸಬಹುದು. ಇಂಗ್ಲಿಷ್, ಹಿಂದಿಯ ಜೊತೆಗೆ ಇತರ ಪ್ರಾದೇಶಿಕ ಭಾಷೆಗಳಲ್ಲಿಯೂ ಸಾಮಗ್ರಿ ಇಲ್ಲಿ ಲಭ್ಯವಿದೆ.

• ಅವರಿಗೆ ಬಹಳ ಉಪಯೋಗ

ಕೋವಿಡ್ ಸಮಯದಲ್ಲಿ ಎಲ್ಲರೂ ಮನೆಗಳಿಗೇ ಸೀಮಿತರಾದರು. ಆ ಸಮಯದಲ್ಲಿ JEE, NEET ಅಭ್ಯರ್ಥಿಗಳಿಗಾಗಿ ಕೇಂದ್ರ ಶಿಕ್ಷಣ ಇಲಾಖೆ ಉಚಿತವಾಗಿ ಪರೀಕ್ಷೆಗಳನ್ನು ನಡೆಸಲು ನೇಷನಲ್ ಟೆಸ್ಟ್ ಅಭ್ಯಾಸ್ (NTA)ನ್ನು ಆರಂಭಿಸಿತ್ತು. ಮನೆಯಲ್ಲಿಯೇ ತಮ್ಮಂತೆಯೇ ತಯಾರಾಗಲು ಇದು ಬಹಳ ಉಪಯೋಗವಾಯಿತು. ಹೀಗೆಯೇ ಹಿಂದುಳಿದ, ಗ್ರಾಮೀಣ ಪ್ರದೇಶಗಳಲ್ಲಿರುವವರು, ರಿಮೋಟ್ ಪ್ರದೇಶಗಳಲ್ಲಿರುವವರಿಗೆ ನೀಟ್, ಜೆಇಇಗಳಿಗೆ ಕೋಚಿಂಗ್ ಪಡೆಯುವ ಅವಕಾಶವಿರದಿರಬಹುದು.

ಮುಖ್ಯವಾಗಿ ಅಂತಹವರಿಗಾಗಿ ಸಾತೀ ಪ್ಲಾಟ್‌ಫಾರ್ಮ್‌ನ್ನು ಲಭ್ಯವಾಗಿಸಲಾಗಿದೆ. ಇದು ಒಂದು ಇಂಟರಾಕ್ಟಿವ್ ಅಸೆಸ್‌ಮೆಂಟ್ ಪ್ಲಾಟ್‌ಫಾರ್ಮ್. ಯುಪಿಎಸ್‌ಸಿ (UPSC) ಮುಂತಾದ ಉದ್ಯೋಗ ಪರೀಕ್ಷೆಗಳು, ಕ್ಯಾಟ್ (CAT), ಗೇಟ್ (GATE) ಮುಂತಾದ ಸ್ಪರ್ಧಾತ್ಮಕ ಪರೀಕ್ಷೆಗಳಿಗೆ ತಯಾರಾಗುವವರು ಕೂಡ ಇದನ್ನು ಬಳಸಬಹುದು