JEE NEET Free Coaching, SATHEE: جی ای ای، نیٹ سمیت دیگر مقابلہ جاتی امتحانات کی تیاری کرنے والے طلباء کے لیے حکومت بڑی سوغات لے کر آ رہی ہے۔ مرکزی وزیر تعلیم SATHEE (Self Assessment Test and Help for Entrance Exams) پلیٹ فارم لانچ کرنے جا رہے ہیں۔ جس کے تحت مقابلہ جاتی اور داخلہ امتحان کی تیاری کرنے والے طلباء اس پلیٹ فارم میں مفت میں کوچنگ کر سکیں گے۔ خاص بات یہ ہے کہ اس کے تحت طلباء کو آئی آئی ٹی، آئی آئی ایس سی جیسے اداروں کے اساتذہ سے پڑھنے کا موقع ملے گا۔ اس کے لیے کوئی فیس نہیں لی جائے گی یعنی یہ پوری طرح سے مفت ہوگا۔

یو جی سی کے صدر ایم جگدیش کمار نے حال ہی میں اس سلسلے میں ٹویٹ کر معلومات دی۔ انہوں نے لکھا کہ ’ساتھی‘ وزارت تعلیم اور آئی آئی ٹی کانپور کے تعاون سے شروع کیا جانے والا پلیٹ فارم ہے، جس کی مدد سے طلباء کو مقابلہ جاتی اور دیگر امتحانات کی تیاری کے لیے بہترین پلیٹ فارم ملے گا۔ اس کا فائدہ وہ تمام طلباء اٹھا سکیں گے، جو مہنگی کوچنگ کا خرچہ نہیں اٹھا سکتے۔‘

6 مارچ کو ہوگا لانچ

مرکزی وزیر تعلیم 6 مارچ کو اس پلیٹ فارم کو لانچ کرنے جا رہے ہیں۔ طلباء اس پلیٹ فارم پر جا کر اساتذہ کی طرف سے ڈالے گئے ویڈیوز کو دیکھ سکیں گے اور اپنے تصورات کلئیر کر سکیں گے۔ اس کے علاوہ کمزور ٹاپک والے مضامین کی بھی بہتر طریقے سے تیاری کر سکیں گے۔