Jee Main Free Coaching: جے ای ای مین سمیت دیگر مقابلہ جاتی امتحانات کی تیاری طلبہ فری میں کر سکیں گے۔ اس کے لیے وزارت تعلیم 6 مارچ کو ایک پورٹل لانچ کرے گی۔

Jee Main Free Coaching: جے ای ای مین سمیت دیگر مقابلہ جاتی امتحانات کی تیاری طلبہ فری میں کر سکیں گے۔ اس کے لیے وزارت تعلیم 6 مارچ کو ایک پورٹل لانچ کرے گی۔

اس سلسلے میں معلومات یو جی سی کے چیئرمین جگدیش کمار نے دیں۔ انہوں نے کہا کہ مرکزی وزارت تعلیم کی طرف سے ساتھی (SATHEE) نامی ایک پلیٹ فارم تیار کیا گیا ہے۔ جس کی لانچنگ پیر یعنی 6 مارچ کو کی جائے گی۔ اس پورٹل پر آئی آئی ٹی اور آئی آئی ایس سی کے پروفیسرز جے ای ای مین سمیت دیگر مقابلہ جاتی امتحانات کی تیاری کے لیے لیکچر اپ لوڈ کریں گے۔ اس پورٹل کو آئی آئی ٹی کانپور کی مدد سے تیار کیا گیا ہے۔

یو جی سی چیئرمین نے بتایا کہ اس پلیٹ فارم کو اس لیے تیار کیا گیا ہے، تاکہ جو طلبہ ناموافق حالات یا پھر مالی طور پر کمزور خاندانوں سے آتے ہیں وہ آسانی سے مقابلہ جاتی امتحانات کی تیاری کر سکیں۔ انہوں نے کہا کہ اکثر کوچنگ مہنگی ہونے کی وجہ سے مالی طور پر کمزور خاندانوں کے بچے تیاری نہیں کر پاتے ہیں۔ جس کے باعث وہ اپنے خوابوں کو پورا نہیں کر پاتے ہیں۔

ایسے طلبہ بھی اعلیٰ تعلیم آسانی سے حاصل کر سکیں اور مقابلہ جاتی امتحانات کو کریک کریں، اس لیے ساتھی پورٹل کی شروعات کی جا رہی ہے۔ پورٹل پر اپ لوڈ ویڈیو کو دیکھ کر اور سن کر بچے آسانی سے تیاری کر سکیں گے۔

اس سے پہلے یو جی سی چیئرمین نے یو جی سی یو ای ٹی امتحان فارم بھرنے کے لیے ہیلپ سینٹرز کے بارے میں بھی معلومات دی تھی۔ انہوں نے کہا کہ یو جی سی کی طرف سے ہیلپ سینٹرز کی تعمیر کی جائے گی۔ جہاں جا کر طلبہ فری میں فارم بھر سکیں گے اور کسی بھی کنفیوژن کو دور کر سکیں گے۔ انہوں نے کہا تھا کہ ان سینٹرز کی معلومات این ٹی اے کی ویب سائٹ پر دی جائیں گی۔

آپ کو بتا دیں کہ اب ملک بھر کی سینٹرل یونیورسٹیز میں داخلے کے لیے سی یو ای ٹی کی امتحان منعقد کی جاتی ہے۔ اسی اسکور کارڈ کی بنیاد پر طلبہ کو داخلہ دیا جاتا ہے۔ پچھلے سال کچھ یونیورسٹیز اس میں شامل نہیں ہوئی تھیں، لیکن اس بار تقریباً تمام سینٹرل یونیورسٹیز حصہ لے رہی ہیں۔